20110227

PRINCESS HOTEL 传统英式早餐之田园风

伦敦PRINCESS HOTEL-Bed & Breakfast 係一间家庭式经营的小型酒店(只有22间房),以大众化价钱提供简单住宿及早餐。酒店地理位置相当理想,行几步路就有快餐店,中餐馆,便利店及地铁站 (King's Cross St. Pancras),非常方便嚟伦敦自由行的我哋。虽然酒店房间一般,不过胜在够干净同价钱合理,而且仲包括埋丰富英式早餐!!!唔係几片面包搽果酱甘随便,而係有煎蛋,腌肉,蘑菇,番茄,茄汁豆,烧面包及茶或咖啡的全英式早餐!同一般大酒店唔一样,呢度嘅早餐唔係以自助餐方式招待,而係即點即煮,所以每一份早餐都係新鲜热辣上檯,令人感受都厨师的用心。

一坐底,亲切的侍应就问我哋係唔係要 Full English Breakfast,意思係“乜都有英式早餐”(全英式早餐),而我哋当然係回应:"Yes!" :D 其实如果唔要食英式早餐,仲可以选择烧面包配牛油果酱或者玉米片配牛奶,不过我早上的胃口特别好,所以大份又丰富的英式早餐比较适合我!XD 呢度嘅早餐真係好好味啊~食足几日都唔厌!
餐檯上有5種果酱,Nutella 朱古力酱,Heinz 茄汁,HP烧烤酱,沙律酱,牛油,糖同盐,真係应有尽有!
充满传统英式田园风的室内设计及摆设,令人觉得好似身在旧时代的英国。 早餐又點可以少咗一杯香滑可口的英式奶茶...
餐厅老板的高尚品味由此可见。
橱柜里面摆住唔少英式餐具,精致又高雅。
田园味十足的餐垫。
单单果酱就已经有5種甘多- 覆盆子,士多卑喱,黑加仑,橙及杏桃酱。
一日三餐里面,我最喜欢就係早餐!
一份靓早餐唔单止可以给人精神同活力,仲可以令人心情好啲。:)
每一份英式早餐都係即點即煮,所以等待早餐煮好的过程有啲“痛苦”,
因为厨房一直传出香喷喷的味道, 非常吊人胃口,好残忍啊! :S
复古时锺。
可以係甘美好的环境之下享受一份英式早餐,令我觉得好幸福 :)
开餐啦~
-
PRINCESS HOTEL BED & BREAKFAST
ADD: 35-39 Argyle Street London WCIH 8EP
TEL: +44 08448 223975
*酒店地点方便,早餐好味,价钱合理,想去伦敦旅游的朋友可以考虑。:)

20110221

CHOP CHOP 伦敦最经济餐厅 . 大碗夹抵食

英镑3.90可以食到啲乜嘢?三文治?蛋糕?漢包堡?其实选择真係唔多,而且都未必食得饱 :S。不过如果你遇到 Chop Chop 就唔同啦~ :) Chop Chop 係我係伦敦呢五日之内去过最多次嘅餐廳,三次晚餐,一次宵夜,一共四次甘多,都算几夸张。:P 一嚟係因为佢靠近酒店(3分锺路程),二嚟係因为佢卖中餐(之前食太多西餐,所以开始觉得反胃),三嚟佢嘅食物选择多(而且大部分都係我喜爱的亚洲华人美食),再嚟就係佢嘅食物“大腕夹抵食,单座食物最高收费只不过係英镑3.90!!!真係好过食面包! :p
-
价钱平不再讲,之但係食物选择多一定要提。有海鲜炒面,东蔭米粉汤,牛肉河,烧鸭面,叻沙,焖饭,杨州炒饭,泰式炒饭,炒米粉,马来式炒饭,蒸饺子,炸鸡翼,云吞汤,酸甜鸡饭,叉烧河粉等共百样美食。虽然係东方人食物,不过呢度所有食物都係以西方人份量招待,所以绝对食得饱。^^

位于King Cross's 的 Chop Chop Noodle Bar 卓卓餐廳,营业时间由中午i12点至凌晨12点,生意比附近一般西餐廳仲好。
ChopChop 就好似個迷你机场,係呢度你可以见好多唔同国籍及肤色嘅朋友,好明显大家都被ChopChop ‘大碗夹抵食’嘅食物深深吸引住~ 烧鸭汤面 3.90- 渗入咗烧鸭味的汤面别有一番风味,令人想将整碗汤饮晒。^^
东蔭海鲜米粉 3.90- 东蔭汤酸辣适中,係冬天暖身佳品。
材料方面亦相当丰富,有青蚝,鲜虾,墨鱼,鱼饼,蟹柳,蘑菇,扁豆,罐头包粟,红萝卜等蔬菜。材料多到捞极都捞唔完 ~ XD 真係物超所值!
料多过米粉,见到都开心。^^
新加坡叻沙 3.90- 同样甘大腕,不过材料就不及东蔭吸引,只係有豆腐卜,鲜虾同鱼饼。
叻沙汤虽然浓郁,不过就欠缺咗啲香味,你估唔估到係乜嘢味啊?係叻沙叶的香味,亦称为越南香菜。一碗叻沙如果少咗叻沙叶又點称得上係好叻沙咧?!:P
食饱就开始觉得眼訓...zzZ
-
CHOP CHOP NOODLE BAR 卓卓餐廳
ADD: 1 Euston Road, London NW1 2SA.
TEL: 020.7833.1773
OPERATION HOURS: 11am-12 midnight

20110218

ITSU 时尚健康煮意 . 给你蝴蝶般轻盈体态

想唔想有蝴蝶般轻盈的体态,行步路都轻飘飘?如果想,咁你就唔好再食漢包同薯条啦~而係食Itsu! Itsu 唔係斋馆,亦唔係卖减肥餐,而係以健康为大题的时尚餐厅。可谓时尚?外观鲜明,环境够IN,食物配搭新鲜咪谓之时尚囖!至于食物方面,都係凑向亚洲人比较熟悉的口味,譬如话日式寿司,味增汤,蒸饺子,糙米饭,沙律等味道较为清淡嘅食物。对于习惯大鱼大肉嘅英国人嚟讲都算係一项新尝试,唔知Itsu是否能係伦敦吹起一阵“蝴蝶风”?

Itsu 外观似娱乐场所或服装店多过似餐厅,佢时尚新颖的概念大大改变伦敦年轻一代对于食健康餐老土又沉闷的观念。
晚餐时段人流不断,原来都有好多伦敦人注意健康饮食。
一系列寿司便當, 款式多,包装精致,方便同时间赛跑的城市人。
呢度冇西方人喜欢的茄汁或Mayonaise,而係日式照烧酱同泰式辣椒酱。
(不过酱料注明牌对换咗,唉~)
边食边欣赏The Strand的街景...
餐厅楼上的装置色彩夺目,俾人一好“潮”嘅感觉。
泰式东蔭虾糙米饭(英镑4.95)卡路里:385
有鲜虾及七種蔬菜,完全符合饮食金字塔多菜少肉的理念。
好多人都唔能够接受糙米,你又得唔得?
要食得健康,当然都要饮得健康,我选择咗荷兰矿泉水- Ty Nant
其实几年前係大马见到呢個矿泉水时就已经俾佢嘅独特樽装深深吸引著 :)
今日觉得自己特别健康。XP
日本人伟大的发明- 寿司(英镑3.95)
色香味俱全,绝对係西方人值得品尝的美食。
"Not rabbit food" 唔係兔仔食物,Itsu的食物都係为你健康着想而设计,确保你食得饱嘅同时又得到均匀的营养。
Itsu 係日文“蝴蝶”咁解。
-
ITSU
ADD: 82-83, The Strand, London WC2R ORE.
TEL: 0207.240.6814

20110215

CAFE SORRISO 阿叉抵食英式早餐

赚马币,使英镑’绝对唔划算,所以係伦敦的每一餐都必须经过深思熟虑才决定。位于 King's Cross 的 Cafe Sorriso 就非常符合‘经济实惠’的条件...


Cafe Sorriso 位于King's Cross 地铁站对面,係麦當劳旁边。面积比一般咖啡馆细,不过食物价钱相当合理。
单层鋪竟然可以变成双层!阿叉果然识得利用空间。 :)
坐係上层的顾客必须低头弯腰先可以企起身,否则必定头顶开花。:P
阿叉煮的英式早餐只需英镑4.99
味道一般,但係胜在大份又抵食, 比一般大型咖啡馆平成30%-50%。 早餐仲包括埋Lavazza 咖啡,真係好划算。:)
除咗英式早餐及Kebab(烤肉)之外,呢度仲有各式各样面包及三文治馅料任君选择。
-
CAFE SORRISO
ADD: Opposite to King's Cross Station, Next to Mc Donald's

20110213

UK MC DONALD'S 連男人都难以掌扼的漢堡包

如果要话麦當劳的成功就如苹果(Apple),倒不如话苹果的成功就如麦當劳,因为麦當劳係苹果未出世之前就已经风靡全球。無论现今社会竞争有几大,快餐品牌有几多,麦當劳依然独占鳌头,成为国际快餐国之王。食麦當劳,已经唔属于某等级人的专利同享受,而係现代人生活文化的一部份。换句话嚟讲,iPhone/iPad 已经唔再係富家子弟的玩具,而係每個人贴近科技潮流的必需品。

讲咗咁多,其实我嘅重点係要介绍麦當劳的漢堡包 ~XD 不过唔係大马麦當劳,而係英国麦當劳。無论味道,口感,尺寸或包装都比我地好(我并冇抱著外国月亮特别圆的心态:P),单睇相你都会觉得佢地嘅漢堡比较有水准 :) 尤其是係嗰個連男人手都掌扼唔晒嘅Big Tasty!真係好大!好震撼!好美味!(讲到都流口水) XD



Deli Chicken + Bacon 烤鸡柳培根套餐 & 热朱古力
为你新鲜订做 :)
食快餐唔一定冇益!Deli Chicken 係用全麦面包,烤白鸡胸肉,培根及新鲜蔬菜制成,所以营养价值亦必一般漢堡高。
大马麦當劳得三種热饮:普通咖啡,Lipton茶及美禄(有限公司 :P);英国麦當劳就有黑咖啡(Black Coffee),白咖啡(White Coffee),拿铁(Latte),卡布奇诺(Cappucino),濃咖啡(Espresso),热朱古力(Hot Chocolate),有机奶茶(Tea with organic skimmed milk)。
饮够六杯仲可以换一杯,真係好羡慕英国人~ >.<

热朱古力- 香而不甜,味道好过星巴克(Starbucks),价钱亦比星巴克平两倍。抵饮!=)
最震撼的漢堡即将登场~
噠噠~ Big Tasty! 真係包如其名,又大又好味!食完之后会有两種感觉- 满足感+罪恶感,哈哈哈!XD 嗰片处于 ''半溶状态'' 的芝士好诱惑,令人犯罪。
有几大? 大过男人嘅手掌,我嘅双掌。=) 难怪鬼佬咁大隻!
卡布奇诺- 香滑可口 :)
係冬天时饮热咖啡令我觉得特别温暖。^^
Chicken Legend 鸡漢堡传奇
外型同Deli Chicken好像似,不过里面係香脆炸鸡胸,味道一样咁正!
生菜新鲜脆口,鸡肉结实,面包松软....可惜大马冇呢個款。
--
MC DONALD'S

Related Posts Plugin for WordPress, Blogger...

Estica ALL RIGHTS RESERVED © - Powered by Blogger