20110728

GERAI MAKAN JAPANESE BBQ TAMAN DESA 四樓後座 . 燒一燒 . 啤一啤

本人經過一番細心觀察之下,發覺大部份大馬華人都喜歡燒嘢食(BBQ),就講自己身邊的朋友就好啦,十個當中就已有八個喜歡BBQ呢門玩意。有D悶蛋可能會覺得燒嘢食好鬼麻煩,要落手落脚之余,又要搞到身水身汗,不如去餐館食咪仲好。但其實燒嘢食最大的樂趣就係佢嘅過程,大家堆埋一齊,比較谁人的燒鷄翼燒的靓,取笑谁人燒癃咗的腸仔,就算燒到大汗叠細汗,大家依然樂在其中。

講到BBQ,我個人最喜爱就係传統的户外碳燒烤,感覺特别正!:) 雖然大馬有很多提供燒烤的餐館,大衆化嘅有电話飯店或BAR-B-Q PLAZA,而高檔少少嘅有韩式餐館及日式餐館,但依然好難揾到間好味,價錢中等兼係户外的燒烤餐館。事關大部分有質素的燒烤餐館都係環境優美,冷氣設備,就算D嘢好味,自己都搞到一身臭。:S 所以燒嘢食點都要系户外先够通風同凉爽啊!

而較早前我就同屋企人嚟到呢個為于Taman Desa Jaya 四層店屋後面的大衆燒肉 (Gerai Makan Japanese BBQ),話雖隐秘但实質上已經有唔少人知道呢個大陆,所以我並冇“發現新大陆”的感覺,而係好平静咁同屋企人享用咗一個美味的全肉宴。有人問我:“點解你又會揾到呢個地方嘅?”我話:“其實好耐以前,我同老闆同事們嚟呢度附近食成記鷄飯時唔小心“装到”條巷有個"Japanese BBQ" 的招牌,嘩~當時有種莫名的兴奋,一返到公司就即刻上網全线大搜查呢個地方。”過後,一直話要試但就忘記咗,直到上個星期系某網上雜誌見到有關報導時,佢又再次挑起我心中嗰团“火”,就咁我當晚就同屋企人去嗰度燒嘢食啦! :)

**同屋企人食完的两日後,我又再次邀请我嘅爱猪同事同我一齊去燒一燒~~~ :P



我忘記話過你知大衆燒肉唔係一間有門有窗的餐館,而係一個檔仔!基本上佢嘅環境同嘛嘛檔冇乜分别,只不過佢唔係賣maggi goreng(炒即食麵),而係日式燒烤,老闆仲係日本人添! *女士們請注意:此日本老闆亦是Sanuki Udon 的老闆,佢親切又有型,肌肉仲结實到不得了,若然你有機會見到佢真人,我相信你都會偷偷尖叫两声~ XD 呢度没有冷氣,也没有漂亮檯凳及餐具,只有陣陣凉風及月光的陪伴,一個舒服又不拘谨的燒烤場地。
喜歡食猪内臓的朋友睇見呢個餐牌一定好高興!但我唔識得欣賞,所以唯有食羊肉同牛肉。其實呢度的食物味道及價錢都相當唔错,只可惜冇提供鷄肉同海鲜,如果唔係就更加完美啦!建議老闆好似系Sanuki Udon咁做下D日式串燒鷄,串燒菇咁,方便又好味。=)


盐枝豆Edamame (RM3)

煙花?XD 唔係!呢個係我們即将用嚟燒嘢食的碳盅,侍應用把風扇猛吹佢以令到D碳能够快速燒著。

碳盅已經準備好啦!依家等紧D肉類.... :)

首先有“成吉思汗”羊肉盘 Genghis Khan (RM20) 羊肉非常多汁鲜嫩,仲爽過嚼香口膠,哈哈!另外包菜亦幾脆口,食一口肉,再食一口菜,感覺冇咁滞。XD


食完热辣辣的羊肉盘之後有燜内臓煲 Stewed Organ Pot (RM10),里面有一大堆我唔知邊狒打邊狒的猪器官,我睇見都驚 :S ,但喜歡食“猪零件”的Gary就贊不绝口,仲話想叫多煲。>.<

飲品方面有绿茶,一百號,啤酒,清酒同梅酒。今晚就做個酒肉朋友吧!

日式煲仔燜飯 JAPANESE RISOTTO (RM6),味道好似小朋友食嘅Marmite粥,不過上面多咗粒蛋。好唔好味?見人見之,我個人覺得OK。

等待被我炮制的生肉類~呵呵呵!

牛肉+猪肉的香味四溢,令我們神魂颠倒。XD

下次想食碳燒BBQ唔駛係屋企整咁麻煩,嚟呢度燒一燒,啤一啤,乾手净脚,阿媽包唔唠吵。

大衆燒肉就在大馬彩同髮型屋之间的小巷里面。



Gerai Makan Japanese BBQ 大衆燒肉

ADD: Center Court, Plaza Faber, Jalan Desa Jaya, Taman Desa Off Jalan Klang Lama, 58100 Kuala Lumpur.

BUSINESS HOURS: 6pm till late

20110725

RESTORAN MUAR HOME-COOKED CUISINE 麻坡特色炸蛋

雖然我係大馬人,但我對麻坡Muar呢個地方完全唔了解(慚愧),我只係知道麻坡有两個著名特产,就係乌达Otak-otak黄明志。XD 不過帮親過呢間位于同善路(Tengkat Tong Shin)的麻坡鄉廚之後,我就對麻坡多咗一份了解,亦多一份锺情,因為麻坡唔單止有美味乌达,仲有炸弹!唔係,唔係!係香脆無比的“炸蛋”先啱!=P



白燈令整体環境显得残舊,再加上餐館里面没有播放任何音樂,飲食氣氛即刻大打折扣。 清炒芥蘭可能未能挑起大家的食欲,不過呢道牛油芥蘭Butter Kailan (RM12)絕對能够令大家‘唇唇欲動’^^。外貌如雜草般的油炸芥蘭味道带些少辣,令大家的味覺同視覺都一樣咁“開胃”。 呢個唔係普通煎蛋,而係麻坡炸蛋Crispy Fried Egg (RM7)!=D 炸到金黄色的鷄蛋,口感十分香脆,再加上少许黑酱油,味道更加之香噴噴,同一般淋上生抽的煎蛋真係完全唔一樣咖!*我個人相當喜歡呢道菜,但就略嫌佢“太油”,雖然我都明白到要多油才能炸得出咁嘅效果,不過...唉~好茅盾。=_='''


宫保濑尿蝦 Dried Chilli Mantis Prawn (RM16) 基本上大部分餐館或酒樓都能够将呢道餸煮得好,只要濑尿蝦炸得够酥脆同埋宫保汁入味,佢絕對能够成為飯檯上的送飯極品。=)
来自柔佛州的朋友对麻坡美食特别感親切,所以用手機影唔停。:D
臭豆海鲜組合 Petai Squid & Prawn (RM26),墨鱼同蝦仁都好新鲜,雖然我唔食臭豆,但就不能抗拒嗰香辣可口的叁巴(sambal),捞飯一流!XD
阿叁蒸鱼頭 Asam Steamed Fish Head (RM29) 阿叁湯味道唔够濃郁,而且鱼頭仲带點腥味:S 。我個人都係比較喜歡馬六甲的娘惹阿叁,食咗包難忘。:)
麻坡最强- 乌达 Otak-otak (RM12),大馬必食佳肴之一,香辣鲜軟的鱼肉,令人越食越過瘾!

蒸药材鷄 Steamed Herbal Chicken (RM18) 药材味唔够,感覺上似一般住家菜。

有咁多男士們係度,又點會食唔曬?XD



Restoran Home-cooked Cuisine 麻坡鄉廚

ADD: No.6G, Tengkat Tong Shin, Off Jalan Bukit Bintang, 50200 Kuala Lumpur. TEL: 03.2144.2072

20110719

HANA JAPANESE CAFE 每日半夜12點打烊的日式餐館

Desa Petaling 絕對唔係一個美食區或值得发掘的地點,尤其是對於一個一年200幾日都係度返工的人(我)嚟講实在很痛苦,因為呢度的餐館數量十個手指都有得找,而且稍微可以食得落口的餐館就更加少之又少。所以每日一到食晏時間,同事們都會問同一個問题,就係:“食咩啊?”,好明顯大家都係度煩要食D乜,雖然大家最終都會俾同樣的答案“随便啦!”,不過就算話要随便食,我地都唔知要食D乜 XP 因為公司附近的选擇非常有限兼唔好食(悶)。冇美食的地方就等同于死城,好難變得興旺,所以造成其他商家更加唔敢係度開餐館了~

不過,話口未完,最近竟然有人係度開日式餐館!嘩~同事們,係日式餐館,唔係茶室或mamak! 老闆是否係個冒险家我唔知,但大家都好正常咁認為:“有人食咩?” 充滿疑惑的同時,我地就决定今日去探個究竟!(其实真正的冒险家係我地:P)


Desa Petaling 的店铺唔多,只要見到KK迷你市場就會揾到Hana
(上)室内環境以简洁為主,冇乜好影。 :P (下)Hana現有推出優惠套餐,最低由RM6.90起,但都係只得一樣嘢(Yaki Soba)係呢個價錢,=) 其余都係十蚊或以上。
我個人幾喜歡Hana的標誌設計。


日式餃子 Gyoza (RM8),外面香脆,裡面多汁,好味!

餐館吸引我的唯一之处就係呢個可爱的茶杯,不過绿茶一杯賣RM2.90似乎有D貴,一般著名日式餐館都係收RM1--2一杯。 仲有呢個猫咪碟,喵~~好想将佢佔為己有!^^


Cherry點咗個軟壳蟹手卷Soft Kani Temaki (RM5),賣相唔错。

Casey的鍋仔烏冬麵 Nabeyaki Udon (RM10.90),適合口味清淡的朋友。


Eugene的鳗鱼飯套餐Unaju Set (RM18) 有日式豆腐Agedashi Tofu,泡菜Kimchi同味曾湯Miso Soup,整體味道合格。=)

我的拉麵套餐 Nabe Maki Set (RM14) 鍋仔拉麵湯又热又好味,不過就冇乜料,只有鷄蛋,两片鱼餅及一堆大葱。壽司的结實度唔够,味道一般,材料有青瓜,蟹柳同鷄蛋。
包到鬆鬆的maki,一夹就散。



Vanis 的冷面套餐 Hitashi Maki Set (RM12) 冷拉麵爽口弹牙,配搭蟹柳丝,蛋丝同青瓜丝,一道健康又“消暑”的夏天美食。套餐亦包括''同樣材料''的壽司及味曾湯。:P


好似撈生~ @_@



Hana Japanese Cafe By Kajitsen

ADD: No.11, Jalan 3/125D, Desa Petaling, 57100 Kuala Lumpur.
TEL: 03.9058.5366

BUSINESS HOURS: Everyday 10am-12midnight

WI-FI: YesSISTER RESTAURANT 姐妹餐馆: Kajitsu Nihon Ryori @ 39 A, Faber Plaza, Jalan Desa Bakti, Taman Desa, Off Jln Klang Lama, 58100 K.L.

BOURBON ICHIGO ROANNE 士多啤梨威化餅

幾日前係盆踊節Bon Odori買咗幾盒日本入口的餅乾,而其中一款最令我喜歡就係以下呢個Bourbon牌子的士多啤梨威化餅。:)


我係因為佢那“好味”的包装而買下 XD
日本貨就係日本貨,連裡面的包装都咁精美。:) 每一包粉紅银的袋仔裡面装著两塊威化餅,方便消費者随時随地享用。

一打開包装, 两塊威化餅都咁完美,一D餅碎或裂痕都冇!

威化餅非常輕薄同香脆,咬落去時發出的"ziakziak"声令我覺得好過瘾!:P

裡面一层薄薄的士多啤梨忌廉芬芳幼滑,感覺純正,絕對值得推薦俾士多啤梨發燒友。=)


去邊度買?

Isetan Supermarket, Jusco Supermarket或Shojikiya

20110716

FICELLE BOULANGERIE & PATISSERIE 在樹蔭下聽麵包說話 (午餐篇)

尋日带媽咪去Ficelle食過麵包早餐之後,佢話仲想試一試嗰度的意粉,所以今日(星期日)我就再带佢同阿姨及表妹去嗰度食晏。除咗麵包同糕點之外,Ficelle每日早上11點過後會提供一系列的沙律,湯類及意粉給客人选擇,所以如果怕肥唔想食澱粉類,可以考虑叫個沙律或蘑菇湯咖! :D

我為媽咪叫咗杯茉莉花绿茶Jasmine Green Tea 大蒜油海鲜意粉 Seafood Aglio-Olio (RM11.80)無論中蝦,墨鱼或啦啦都一樣咁新鲜同爽口,整體味道因大蒜油及乾草的配搭之下顯得分外香喷喷。 軟壳蟹沙律 Soft Shell Crab Salad (RM10.80)其实呢個似小食多過似沙律,因為炸軟壳蟹係主要食材,而所謂的沙律只不過係幾片绿葉(生菜)墊底 XD,口感唔错,不過卡路里指數都幾高咖!


Ficelle Boulangerie & Patisserie

ADD: 11-0-12,Jalan 3/09F, Danau Business Center, Taman Danau Desa, 59100 Kuala Lumpur.

TEL: 03.7983.0211

BUSINESS HOURS: Sun-Thur 8am-9pm Fri-Sat 8am-10pm

FICELLE BOULANGERIE & PATISSERIE 在樹蔭下聽麵包說話 (早餐篇)

終于唔駛再爲咗食几塊麵包而专程揸車去到Imbi的Levain Boulangerie啦!

一来擔心塞車,二来又要擔心人多冇位泊車,而且分分鐘仲要擔心埋去迟一步啲麵包會俾人搶曬 XD,所以我情願唔去,因爲我实在唔锺意在人多的地方嘆茶,感覚好倉促。:P 不過,我以後都唔會再有呢方面的顧虑啦,事關Levain的妹妹Ficelle誕生咗,佢同家姐賣幾乎一樣的麵包及食物,但地點不在闹市中或大型商場裡面,而係在Taman Danau Desa住宅区的某一棟商業中心底層(Danau Buisiness Center),所以人潮亦相較少。另外最值得開心就係佢距离我屋企的車程只係短短的十分鐘,所以想幾時食就可以即刻去食,好方便啊!=) -


Ficelle的位置就在大樹蔭下,所以就算艷陽高照,呢度依然風凉水冷,顾客可以坐得舒服,食得開心。
Ficelle的装修及摆設有Levain的影子。 焦糖伯爵瑞士圈 Caramel Earl Grey Swiss Roll (RM4.20)
坦白講,我並非一個爱瑞士圈之人(每次媽咪系棠記買返嚟的绿茶或黑芝麻瑞士圈,我掂都唔掂咖),但我竟然食曬呢整塊瑞士圈!(拍手)由此可見,呢度的瑞士圈真係非常好味!焦糖同伯爵配搭出嚟的效果令我驚嘆,令我不得不佩服"發明"呢個口味的师傅。
伯爵檸檬茶 Earl Grey Lemon Tea (RM5.50)


法式方形朱古力麵包 Chocolate Brioche (RM2.00),裡面的朱古力酱又香又滑,而且唔會太甜,做下午茶點最適合不過。

我個人極力推薦的法式鱼卵包Mentaiko Ficelle (RM6.00),相當"豪華"的一款麵包 :) 亦都係今日令我覚得驚喜的作品,味道一流!平时喜歡食鱼卵壽司的朋友不妨試一試呢個鱼卵麵包,你會軆驗到味覚上的另一種新享受~

英式懷舊味很重...

法式方形焦糖包 Caramel Brioche (RM1.50)

切勿错過呢度的瑞士圈!因為师傅的手工非常好,而且创意的口味配搭绝對係“只此一家”,例如朱古力香蕉,焦糖伯爵及士多啤梨芝士瑞士圈,其他著名餅家(棠記/RT Pastry/Bread Story/ Lavender/ Sun Moulin)都冇咖! 紫色-浪漫同智慧的象徵。 精致西餅,食唔落都想望多两眼。 媽咪點咗杯奶咖啡 Cafe Latte (RM7.50),佢話好飮!=) 唔同颜色及口味的馬卡龍粒粒充满誘惑力,令我想一次過擁有晒全部。:P





火鷄火腿牛角包 Turkey Ham Croissant (RM3.20),脆軟合一,層次感豐富。另外表皮有啲芝士,醎中带香,好正囖~

見到呢部咁典型的單車仔,令我又再一次幻想身在北海道的富良野薰衣草田...

爱情小説裡面的情景應該都係咁上下。 XD 可以陪媽咪度過美味的一天味绝對係子女的福分。:) -



*我刻意将照片的颜色調浅以達到爱情小說般夢幻的效果,呵呵~ XD


Ficelle Boulangerie & Patisserie

ADD: 11-02, Jalan 3/109F, Danau Business Center, Taman Danau Desa, 59100 Kuala Lumpur. TEL: 03.7983.0211
BUSINESS HOURS: Sun-Thur 8am-9pm Fri-Sat 8am-10pm

Related Posts Plugin for WordPress, Blogger...

Estica ALL RIGHTS RESERVED © - Powered by Blogger