YING KER LOU 迎客樓客家下午茶

近年来英式下午茶文化在本地越嚟越普遍，因為提供傳統三層英式下午茶的地方已經不再只是五星級大酒店，而係普及化至商場裡面的餐廳及住宅區的小型咖啡館。當人人都可以輕易享受呢種寫意優雅的嘆茶活動時，其實“做貴婦”已經不再是一種高檔消遣，而係好似去Kopitiam飲茶咁简單。漸漸地我係四五年前對英式下午茶嗰份热誠亦已退减，可能我就係一個怪人 XD，我不喜歡容易得到的東西，所以早幾年前，當英式下午茶比較罕有珍貴時，我都會每個月去揾唔同的地方嘆下午茶。當時英式下午茶的消費比依家貴，所以只能够一個月食一次，而我同朋友都會尽情+徹底咁享受下午茶的短短三個小時，珍惜做貴婦的時刻，哈哈！

因為早幾年就已經接觸過各種各式的西方下午茶，所以我對西方下午茶已不感興趣（可能好嘅選擇不多），但就反而爱上客家下午茶。客家下午茶？乜東東嚟嘎？如果你係客家人或者同我一樣對西方下午茶厭倦了，不妨换一换口味，試一試完全唔同風味的客家下午茶。迎客樓近来推出一系列客家點心小食，每樣價錢只需RM3-RM6，仲合理過一般街坊點心樓，客人可以選擇早茶時間10-12點或下午茶時間3-6點享用各種傳統客家美點。与英式下午茶相較之下，客家下午茶更加貼近大馬華人的口味，尤其是係長輩，所以一定要带埋公公婆婆，爸爸媽媽一齊去食噢！

客家人，講客家話，食客家菜。(Hakka yin, guong hakka wa, sit hakka choi) XD 多款客家點心小食任揀。 單單“粄”就有四種口味咁多，身為1/4大埔客家人的我當然會選擇味道最熟悉的大埔筍粄喇，唉～好懷念婆婆以前做嘅筍粄，世上第一。

茉莉茶 (RM3) -茶壺盖上戴上茶品種的標簽，侍應包唔會送错茶俾客人。

大埔筍粄 (RM5)- 味道同婆婆親手做嘅筍粄當然冇得比，不過呢個芋頭粄片做的唔错，幾有黏性同芋頭味，而裡面的餡料（肉碎、豆腐乾、冬菇、木耳）亦算够味，只不過份量唔够多，導致筍粄不飽满，失去口感。

一般點心茶樓只有叉燒同蝦仁腸粉，而呢度就有用客家人最喜爱的梅菜做成的腸粉（亦稱為米卷）。梅菜腸粉 (RM4)- 皮薄嫩滑，裡面包著味道香甜的梅菜，食落去時有一種似曾相識的感覺...應該就係家的感覺。:)

客家豬肉丸粄條 (RM6)- 粄條的質感就如板麵，結實爽口。材料有长方扁型的猪肉丸，肉碎，燒腸同青葱，另外附送一碗清湯及自製辣椒酱。味道ok，份量唔多，啱啱足够二人試味。

燒腸特寫。 環境舒适衛生，好過同人逼街坊茶樓。

Ying Ker Lou 迎客樓-客家料理

ADD: Lot1.03.00 &1.04.00, Level 1, Pavilion Shopping Centre, Kuala Lumpur.

TEL: 03.2148.1413

BUSINESS HOURS: 10am-10pm

BRANCH: The Curve, Sunway Pyramid, The Gardens.

FACEBOOK