20120103

KUSSHARO GENYA YGH 屈斜路原野ユースゲストハウス:這個冬天最溫暖的38小時-晚餐篇

屈斜路原野旅舍屬於一間青年招待所,裡面有七間房,分別有三人、四人以及五人房,適合自助旅行的朋友們或者背包客。此旅舍是Kazuyuki Yamamoto 夫婦所擁有,無論係打掃工作或是煮飯都係由夫婦兩人以及一名來自東京的男員工Dai 親手包辦。因此,我們可以係呢度食到最道地、最有人情味的日式住家飯,感受不一樣的旅行意義。


いただきます !✿◕ ‿ ◕✿


我實在忍唔住喇~~遠遠偷望廚房裡的情景,睇下兩夫婦同Dai為我們準備乜餸菜,嘻嘻!

唔知點解越企越近,我見到老闆兼廚師為我們準備的漬物(Tsukemono)就已經流曬口水,可能係天寒地凍的關係,人的胃口特別容易受誘惑。╯.╰

茶壺,茶杯以及飯碗已經擺放整齊在我們的餐桌上。

木飯桶一打開,飯香味就傳遍整個客廳,好幸福啊~(♥♥) 大家一齊打鼓(肚皮)嚟歡迎我們在北海道的第一個晚餐。各位兄弟姐妹,開飯喇! :D


一碗白飯配搭兩種自家漬物(Tsukemono) ,這個冬天最溫暖。

首先出場的有熏制三文魚,老闆用了少許的胡椒及日式美乃滋調味,效果唔錯。

淡如清水的湯上有兩塊類似魚食的麵包粒。⊙.☉ 然後,Dai 為大家端上六個精美的盅仔(緊張)。:) 嘩!嘩!嘩!好大粒的帶子啊~ 搞到我幾乎以為係鮑魚仔,呵呵呵! :D 盅仔裡面有燜帶子,南瓜以及芋頭丸,味道十分鮮甜, 係一道健康又美味的作品。


驚喜接一連三,最後出場的餸菜有日本著名的天婦羅啊! !大家即場又嘩聲四起,對於一道又一道令人流口水的餸菜幾乎拍爛手掌。日本的天婦羅同大馬的天婦羅真係天同地比。大馬的天婦羅一般都係皮厚料薄,而且一碟天婦羅里面通常只有一隻蝦,其他都係番薯或蘿蔔之類;而呢度的天婦羅就皮薄料厚,不但有天婦羅蝦同蔬菜,仲有兩條天婦羅魚啊!而且人人一碟,飽到連飯都唔駛食。 XD

大家都對今日的日式住家晚餐贊不絕口,食得津津有味。^^

飯後甜品有自家製牛奶布丁配果醬,質感富有彈性,不過個人就覺得味道一般。


Kussharo Genya YGH 屈斜路原野ユースゲストハウスADD: 443-1 Kussharo-genya Teshikaga-cho088-3341 Kawakami-gun Japan
TEL: 81 1548 42609
WI-FI: Yes

No comments

Post a Comment

Related Posts Plugin for WordPress, Blogger...

Estica ALL RIGHTS RESERVED © - Powered by Blogger